15 Մարտի 2019
Սահմանապահները հայտնաբերել են հետախուզվողին
ՀՀ ԱԱԾ սահմանապահ զորքերի օպերատիվ բաժնի տեղեկատվության իրացման արդյունքում, փետրվարի 25-ի առավոտյան, հայ-վրացական սահմանի «Բագրատաշեն» անցակետում հայտնաբերվել է հետախուզման մեջ գտնվող, 1971 թ-ին ծնված Վ.Ա-ն։ Հայաստանի Հանրապետության և Վրաստանի քաղաքացիություն ունեցող անձը՝ քննչական մարմիններից խուսափելու պատճառով հետախուզվում էր ՀՀ ոստիկանության Արագածոտնի մարզի Աշտարակի բաժնի կողմից։ Քաղաքացի Վ. Ա-ն սահմանված կարգով հանձնվել է ՀՀ ոստիկանության Տավուշի մարզի Բագրատաշենի բաժանմունքի աշխատակիցներին։